තරු පොකුරු වලාකුළු යට

 

තරු පොකුරු වලාකුළු යට

තරු පොකුරු වලාකුළු යට

විහිද තිබුණත් ආලෝක වසර

ගණනාවක් දුරකට

පෙනෙන්නේ එක පොදියට

දිලෙන්නේ එක විදියට

ඒත් විමසිල්ලෙන් ඉන්න

රහස් තියෙන්න පුළුවන් බෝම

බලය කැරෙන්නේ

තරු එළවන්න ඈතට...

ඒත් බැඳී ඉන්න එක පොකුරට

ලිහුණොත් ඇදී යාවි

තෙරක් නොපෙනෙන

කළු කුහර පතුළකට

ලෙයින් පෙඟුණු

 

ලෙයින් පෙඟුණු 

මේ බිමට තවත් 

උරාගන්නට 

දෙයක් නැත

මේ නාටකය  

ඇති දැන් හොඳටම 

කළා දැන් කාලය 

හොඳටම හොඳයි 

වේදිකාවෙන් 

බැස යන්නට 

Thanks to Alexandre Boucey  for the image on Unsplash

පෙරට යමු! ඔබට ජය!

 

පෙරට යමු! ඔබට ජය!

මේ ටික ළඟදි වෙන බව නැති බව වාද

කතිරෙට කලින් අපි කොපමණ කිව්වා ද

ඒවා ඇසූ ඔබ කොතරම් රැව්වා ද

සාටක බදන් පා කොතරම් ලෙව්වා ද

මෙයා විතර කෙනෙකුත් තව ලොවේ නැත

කියා ඉනාවට රැවටී දෙමින් අත

විරුවෙකු ගෙනත් විරවා ගෙන නැතුව බත

දැන් දැන් වැඩි දෙනෙක් කතිරෙත් ගසා නැත!

නැගිටීමක් දුටුව තැන එහි දොස් දුටුවා

මුන්ට තෙලේ නැගලද ඉන්නට බැරුවා

අද තම තමන් පාමුල එය අත් දුටුවා

මේවා ලියවුනත් තරහක් නම් නැතුවා

සිංහල දෙමළ මුස්ලිම් තව තව බේද

බඩගිනි ළඟදි කිසි වෙනසක් නෑ නේද

මේ ටික තේරුණොත් දැන්වත් ඇති නේද

යමු යමු පෙරට ළඟ එනු ඇත ජය නාද