මල්
.jpg)
හිරු සමග පාන්දර හිනැහෙන
සඳු සමග රැයේ මුත් නැළවෙන
මද නලට රහසේම මුමුණන
වෙන කොහෙද තියෙන්නේ
මලක ඇත්තම ලස්සන!
මල් නෙලන් සමනලුන් අඞවා
ගෙන ඇවිත් බඳුන් තුළ පුරවා
ලස්සනක් සෙව්ව මුත් රිදවා
මලක දුක දුටුවේම නැතුවා!
පුදසුනක පර වෙන්න පැතුව
පර වෙලා විසිවෙන්න හිතුව
මල් කොහෙද තිබුණෙ විකසිතව
ඇයි තාම තේරුණේ නැතුව!
මල් පෙතිත් සුමුදු මුදු ඇතී
මදු පිරී සුවඳ විහිදෙන නිතී
කවුරුවත් දන්නෙ නැතුවැතී
මල් වුණත් පැතූ පැතුමක් ඇතී!
No comments:
Post a Comment