පැංචි

පැංචි

පාරෙ කාණුවකට               වැටී
කකා ළමයින්ගෙන්            ගුටී
මතක් වෙයි නුඹ හිටි          හැටි
අනේ අපෙ පැංචි                පැටී

ගේට්ටුව  ළඟ         ගුලි   වෙලා
ඇඟේ ලොම් ටික අඩු     වෙලා
සිටිය නුඹ ගෙන        නා   වලා
දෝණි නුඹගේ මව්         වෙලා

සතෙක් දැක්කොත්    කලබලේ

එන්න නොම දී         රැකවලේ 

බුරා ගෙන යයි          සැමකලේ 

පැංචි නුඹ හරි            හුරතලේ

දාහතර කුත්                 අවුරුදු
ගෙව්වෙ අපි ළඟ        නිරතුරු
සෙව්වෙ සෙනෙහස    පිවිතුරු
කෝ පැංචි අද            පිළිතුරු

නුඹේ හඬ අද          ගොළුවෙලා 

හදේ ගින්නක්             ඇවිලිලා 

නෙතේ කඳුලක්         මතුවෙලා 

පැංචි අපගෙන්        වෙන්වෙලා