පිළිවෙල

 පිළිවෙල

මකුළුවා වෙහෙසෙයි

රටා වියමින් දැල තනයි

ඒ ඌ පැතූ පිළිවෙල යි

උගේ ලෝකය මනහරයි!

ගෙහිමියා වෙහෙසෙයි

ඌ තැනූ දැල් කඩයි

ඔහු පිළිවෙල යයි සිතන

තැනට නිවහන් ගෙන එයි!

දැල් බිඳුණු මොහොතේම

මකුළුවා යළි වෙහෙසෙයි

යළි රටා මතුවෙයි

උගේ පිළිවෙල යළි එයි!

නිවහනේ එසැණ සිට නැවත

අපිළිවෙල හිස ඔසවයි

පිළිවෙලින් අපිළිවෙලට

යන්න වෙහෙසක් නුවුමනයි.

ඒ ලොවේ දහමයි

වටහා ගත යුතුමයි!

Thanks to Torbjern Helgesen for the image on Unsplash