ට්‍රොලියක් සෙමින්සෙමින් ඇදුනා ඉදිරියට
පුරවා තිබුණා ලස්සන සෙල්ලම් බඩු එතුළ
බෙදුවා ඔවුන් ආදරෙන් සෙල්ලම්බඩු සැමට
කිව්වා ලෝක ළමා දිනයලු මේ දවස
එදයි දැන ගත්තේ ළමුන්ටත් දිනක් ඇතිබව
ඇන්දෙත් නෑ ලස්සන ඇඳුම් ළමා දිනවල
තිබුණා වුනත් පහේ 'ලොකු' විභාගෙත් එකලද
දැන් වගේ පාඩම් කළේ නෑ දින වකවානු ගැන
මේ ට්‍රොලිය ඇදුනේ රෝහල් වාට්ටුවක
ලෙඩ දරු පැටවුන්ය වූයේ ඇඳන් මත
ලැබුණා එදා පුංචි බෝනික්කෙක් අතට
තවත් රස ටොපි ද චොක්ලට් සමග
රෝස පාට ඒසොඳුරු බෝනික්කා තාම
මතකයි හිටියා කාලයක් මා එක්කම
ඒ ළමා දිනය හීනයකි අහසේ සිතුවම් වුණ
එය සිතට එබී කම් කරයි හැම ළමා දිනයකම.
© 2019 Malini Ganewatta All rights reserved.
No comments:
Post a Comment