 |
හරිම සීතලයි නේද මේ පාළු ජීවිතය
හිතුවොත් හරියට ග්ලැසියරයක් වගේ
මිදෙන්නට කියල තව දෙයක් නැති
කාලෙකට කලින් මිදී ඉවර වුණු
ඈත සීතලම සීතල දුරු රට සිට
උතුරු සුළඟ හමා එන වෙලාවල්වල
ගුලිවී ගොරහැඩි පොරෝනයකට
ඇගේ සුදු මුදු සුමුදු පහස පැතුවද
ඇයත් තරහ වෙලා වගෙයි දැන් දැන්
ඈතට ගිහින් ඔච්චම් කරන්නේ මට
නොනිදා ගෙවෙන මේ පුංචි තත්පරය
කල්ප කාලයක් වගේ දැනෙන්නේ කිම
ලෝකය හරිම පුංචි තිතක් වෙලා දැන්
හතර වට හැමතැන බිත්තිවලින් වටවුණ
බිත්තිවල නෑ කිසිම එළියක් , දිස්නයක්
කවුළුවෙන් එපිට බැලුවත් ගනඳුර පමණමය .
No comments:
Post a Comment