දිනය මතක නෑ
දිනය මතක නෑ
1983 ජුලි වෙන්න ඕන
කොටි එනවා යයි ආරංචියකට
දරුවත් අරන්
අපි ගෙදරින් දුවගෙන ගියා
ගියා ගියා ගියා
ඇරැව්වල පැත්තේ
කවදාවත් නොගිය පාරවල්වල
මිනිස්සු කැති පොරෝ අරගෙන
මෝල්ගස් උස්සගෙන දිවුවා
කවුරුවත් ආවේ නෑ!
අපි ආපහු ගෙදර ආවා!
පස්සේ කලු ජූලිය ආවා
ඒ බිහිසුණු දේවල් දැක්කේ නෑ
සමූපකාරයේ පෝලිමේ ඉඳන්
සලාක දේවල් ගත්තා!
අපි මොන තරම් රැවට්ටුවද?
අපි මොන තරම් රැවටුණද?
No comments:
Post a Comment