මහන්සිද මේ ජීවිත ගමන ?

 ඔයා හොඳටම නිදි,

දයන්නක් වගේ වකුටුව;

දයන්න ගහල නිදා ගන්න 

ආසයි ඔයා ඉස්සර ඉඳන්ම.

ජීවිතේ හතරෙන් තුනක්ම', 

ඉවර වුණා දුකක් නැහැ ඒ ගැන; 

ඔයාගේ නර කෙසුත් පෑදිලා, 

මහන්සිද මේ ජීවිත ගමන ?

තව ටිකක් දුර යන්න තියෙනවා, 

කියල මෙවෙලේ හිතෙනවා මට; 

කවුරු හරි  මුලින් තියන්නත් 

ඕනනේ මේ ගමනේ නැවතුම් තිත ?

ඉතින්  මං එබිලා ළංවෙලා තවත්, 

පපුවට, බලනවා ඔයාගේ හුස්ම 

වැටෙනවද කියල; දන්නෙ නෑ 

මොකක්දැයි ඒ හැඟීම ?

ජීවිතය තණ අග පිණි බිඳක්, 

ඒ ගැන නැති මුත්  සැකක්; 

අනියත බව මෙදියත සැම දෙයක් ;

හොඳින් වටහා ගෙන ඇතත්.

© 2020 MalinieGanewatta

Thanks to Zohre Nemati for sharing this photo on Unsplash.