Saturday, April 24, 2021

ඇපල් ගෙඩියේ ඉටි තට්ටුව

 











ඇපල් ගෙඩියේ ඉටි තට්ටුව


ඇතැම් පළතුරු , එළවලු ආදියේ අස්වනු ලැබෙන්නේ වසරේ එක කාලයකට පමණි.  එහිදී නෙලා ගන්නා වැඩිමනත් පලදාව පසු අස්වනු තාක්ෂණික ක්‍රම යොදා කල් තබා ගැනීම අතවශ්‍ය වේ. නැති නම් ඒවා අපතේ යන අතර මේසා විශාල ලෝක ජනගහනක් හා ගෘහස්ථ සතුන්  නඩත්තු කිරීම අසීරු වේ. මේ හැර ලෝකයේ විවිධ රටවල් කරා ඒ ඒ පළතුරු හා එළවලු ප්‍රවාහනය කිරීමේදීද ඒවා නරක් නොවී තබා ගැනීම අත්‍යවශ්‍ය වේ. සම්ප්‍රදායික ක්‍රම වල සිට නවීන තාක්ෂණික ක්‍රම දක්වා විවිධ පසු අස්වනු ගබඩා කිරීමේ ක්‍රම තිබේ.  එය පුළුල් මාතෘකාවකි.  මා අද අදහස් කරන්නේ මේ දිනවල ඇපල් හතුරෙකුට වත් කන්න දෙන්න එපා යනුවෙන් මුහුණු පොතේ සංසරණය වන වීඩියෝවක් සම්බන්ධයෙන් කරුණු කිහිපයක් දැක්වීමටයි.  වරින් වර මෙවැනි ඒවා වයිරල් වී සංසරණය වී නැවත යට යයි.

 

සාමාන්යයෙන් ඕනෑම ශාක වායව කොටසක ස්වාභාවික ඉටි වර්ගයක් වන කියුටින්  ඇතුළු තවත් ඉටි වර්ග  ඇත.  ඇතැම් පළතුරු වර්ග මත මේ කියුටින් තට්ටුව ඝනව පිහිටයි.  ඇපල් හා තක්කාලි වල එසේ ඝන කියුටින් තට්ටුවක් ඇත.  පළතුරු නෙලා පිළියෙළ කිරීමේදී සියුම් තුවාල ලෙල්ල මත ඇතිවීම නිසා ක්ෂුද් ජීවින් ඇතුල් වී ඒවා කුණු වී යාමට ඉඩක් තිබේ. මේ නිසා ශීත ගබඩා වල ගබඩා කිරීමෙන් ක්ෂුද් ජීවී ක්රියාකාරීත්වය මෙන්ම පළතුරු තුළම සිදුවන එන්සයිම ක්රියාකාරිත්වය අඩු කර වැඩි කාලයක් කල්තබා ගැනීම කළ හැකි වෙයි. 

 

මේ ස්වභාවික ඉටි තට්ටුවට අමතරව  හා එළවළු වලට  ඉටි තට්ටුවක් ආලේප කිරීම ඇතැම් නිෂ්පාදකයින් විසින් සිදු කරනු ලැබේ.  එහි අරමුණ මා කලින් සඳහන් කළ කුඩා තුවාල ආවරණය කිරීමත් පළතුරු වලින් ජලය පිටවී යාම පාලනය කර වැඩි කාලයක් කල්තබා ගැනීමත්  නෙතට ප්රිය දිළිසෙන සුලු ස්වභාවයක් ලබා දීමත් වේ.  මෙහිදී බොහෝවිට යොදා ගන්නේ ආහාරයට ගත හැකි ස්වභාවික ඉටි වර්ගයි.  එනම්, මී ඉටි, Carnauba wax , Shellac wax හෝ දැව රෙසින  (wood resin) යන ඒවායි. කාබනික ලෙස නිපදවන ඒවාට අනිවාර්යෙන් මේ ස්වභාවික ඉටි යෙදිය යුතුය.  මේ හැර ආහාරමය පෙට්රෝලියම් ඉටිද යොදනු ලැබේ.  මේ ඉටි අප විසින් ආහාරයට ගත්  පසු දිරවීමෙන් තොරවම ශරීරයෙන් ඉවත්වේ.  මේ ඉටි හානිකර නොවන බව FDA මගින් දක්වා තිබේ. ඉටි වර්ග අපේ ආහාර මාර්ගයේදී දිරවන්නේ නැත.  මල සමග පිටවී යයි. විශාල ඉටි ගුලියක් ඔබ ගිල්ලොත් ඔබේ ආහාර මාර්ගය අවහිර විය හැකිය. ඔබ එසේ කරනු ඇතැයි නොසිතමි. 

 

කෙසේ වුවත්,   කිසිම කල් තබා ගත් ආහාර වර්ගයක් ආහාරයට නොගෙන සිටීමේ නිදහස  ඔබට තිබේ.  වී, හාල් ධාන් ඔබේ කුඹුරෙන් ලබා ගැනීමට හැකිය.  ඔබේ ගෙවත්තෙන් එළවළු හා පළතුරු නිපදවාගෙන කෙලින්ම ගසෙන් නෙලා භාවිත කිරීමට හෝ වෙන රටවල නම් එවැනි පළතුරු,   එළවළු  වතු  වලට ගොස් ඒවා මිළදී ගැනීමට පුළුවන.  කිරි, බිත්තර, මස් ආදියද ගෙදර ඇති කරන සතුන් මගින් ලබා ගැනීමට පුළුවන.  මේ පමණක් නොව ලංකාවේ ඔබ අඳින ඇඳුම් සඳහා අවශ් රෙදි පවා ගෘහාශ්රිතව නිපදවා ගෙන ජීවිතය ගෙන ගිය කෙනෙක් ගැන මා කියවා ඇත.  නම අමතක වීම ගැන කණගාටු වෙමි.  නමුත් ලෝකයේ මා ඇතුළු බොහෝ දෙනෙකුට එසේ ජීවත් වීම කළ නොහැකි නිසා වෙළඳ පළින්  දේවල් මිළදී ගැනීමට සිදුවී තිබේ.  මා  නම් මෙතෙක් කල් ගෙවත්තේද යම් යම් දේ වවා ගනිමින් හා විචක්ෂණශීලීව දේවල් මිළදී  ගනිමින් ජීවිතය ගෙනගොස් තිබේ.  අතර හුස්ම ගන්නා වායු බිංදුවේ, පානය කරන වතුර බිංදුවේ සිට කෑමට ගත් මෙන්ම ශරීරයේ ආලේප කළ දේවල් වලින් පමණක් නොව පසුබිම් විකිරණයෙන් නොයෙක් අහිතකර දේ මේ ශරීර කූඩුවට ඇතුල් වන්නට ඇත.  ඒවා බැහැර කිරීමට අසිරිමත් මේ සිරුර සමත් වීමට අසමත් වීමට ඉඩ තිබේ.  ජීවිතය සදා කල් පවතින්නක් නොවේ.  තෝරා ගැනීම ඔබට බාරය.

Thanks to Michal Hlaváč for the image on Unsplash.

No comments:

Post a Comment