රෑනින් රෑන එන
පුංචි පුංචි කුරුළු පැටව්
නොනවතින කිචි බිචිය
පාසල් ගේට්ටුව ළඟ
ඇදෙයි දුබල ගත
සැලෙයි අත රැඳී කුඩය
ඒත් සොයයි උකුසු ඇස
පුංචි මුනුබුරු කොහේදැයි
සැම පැත්තටම
ඇතුළ සිට පිටට
පිට සිට ඇතුළට
බලාපොරොත්තුවේ දෑස
පුංචි සිනා කට දුව එයි ළඟටම
'සීයේ.....'
ගීලුණු දැස් තුළ දිස්නය දෙයි සතුට
දියබිඳු වගේ ළිං පතුළක දිළෙන
'යං පුතේ අපි ගෙදර'
ජීවිතයේ සැඳෑ සමය
ReplyDeleteසුවදායක වී ඇත්තේ
කුඩා එවුන් පිරිසකගේ
සෙනෙහස ඇති 'සීයාටයි' !
ඔබේ කවි කොමෙන්ටුව
Deleteලස්සනයි, ඒ ගැන
සෙනහසින් පිනමන
තුති කුසුම් පිළිගන්න.