ලොව කැරකුණි දවස් ගෙවුණි
හිරුත් සඳුත් විත් හිනැහුණි
ආයෙත් තව අවුරුද්දක්
එන්න එබෙනවා
හිරුට සඳුට අපට හොරා
කාලය යයි ඉගිල්ලිලා
ජීවිත ගමනේ තවලම
තාම ඇදෙනවා
කාලය නුඹ කවුරු වැනි
යන්නේ ඇයි මේ නොපෙනී
ගෙවී ගියපු හැම මොහොතම
මතක පොතේ හීන වුණි
කාල මගේ එක තැනකදී
හීන පෙලට තිතක් තියා
ඉඩදී අන් අයට යන්න
අපි නවතිනවා
එතෙක් ඉතින් අපි එකතුව
එකිනෙකාට සුබ පතමින්
මේ දින එළඹුණු දවසට
අපි හිනැහෙනවා
නව වසරේ සුබ පැතුමන්
ReplyDeleteහරිම අගෙයි සිත් පිනවයි
ජීවිතයත් මිරිඟුව මෙන්
පෙනී වහා වියැකෙනවා
පැරණි මතක හීන අතර
Deleteඔබ සැවොමත් රැඳෙයි නිතර
මේ තුති මල් පුදන අතර
සුබ වේවා ඉදිරි වසර