Monday, March 1, 2021

ඒ ටිකිරි සිනා හඬ.....

 










ටිකිරි  සිනා හඬ.....

 

ටිකිරි  සිනා හඬ පාවී ගිහින්

සත්සමුදුරින් එතෙරට

හරියටම වසරක් අදට

කාලයේ පියසැරිය පුදුමයි!

 

කාලයේ විහඟුන්ට

තටු මැව්වේ  කවුද ?

මේ තරම් වේගයෙන් පියඹන්න;

ඒකත් වෙලාවකට කදිමයි!

 

ඈත දුරු රටක සිට

තිරයක් මැදින් මතුවී ,

"ආච්චි අම්මා! ආච්චි අම්මා! "

" ආච්චි අම්මා කිව්ව විදියට

මං මේන් ඇන්දා ,

මං මේන් මැහුවා ,

මං මේන් ගෙතුවා "

එකම එක පොරයයි.

 

සිනිඳු රෝසපෙති කම්මුල් වල

උණුසුම දැනී  මොහොතකට

ආයෙත් හැමදේම හිස්ව  යයි.

හිතට සංකාවක් , හීනියට මතු වෙයි.

 

ඒත් එක්කම බිත්තිවල

ඔබ ඇන්ද සිතුවම් සිනාසෙයි,

මකන්නට සිතක් නැතිව

තවම සිත කල්මරයි.

©2021 maliniganewatta





No comments:

Post a Comment